Medidas alternativas

Segundo establece a Lei Xeral de Dereitos das Persoas con Discapacidade e da súa Inclusión Social, se a túa empresa ten un cadro de persoal superior ás 50 persoas traballadoras está obrigada a contar con polo menos un 2% de traballadoras/es con discapacidade.

Pero se a túa empresa ten dificultades á hora de aplicar esa cota mediante a contratación directa de persoas con discapacidade, non te preocupes. Existe a chamada “Excepcionalidade”, un marco lexislativo que permite ás empresas como a túa acollerse ás denominadas medidas alternativas. Pero, en que consisten esas medidas alternativas?

Cumprimento normativo e inclusión

A Lei Xeral de Discapacidade (LGD), ) Lei Xeral de Dereitos das Persoas con Discapacidade e da súa Inclusión Social, obriga a todas as empresas de máis de 50 empregadas/os na que polo menos un 2% do seu cadro de persoal estea ocupada por persoas con certificado de discapacidade igual ou superior ao 33%.

Neste sentido, Rosa  Gutierrez, Directora de Negocio de  Galega de Economía Social, destaca que “esta normativa axuda ás empresas para impulsar unha contorna laboral máis inclusiva e fomenta a inclusión a través do emprego das persoas con discapacidade, apostando por un mundo máis xusto e igualitario”.

Cumpre a túa empresa coa cota de reserva?

Desde Galega de Economía Social informámoste para converter a túa empresa nunha empresa inclusiva.

Que sucede se a túa empresa non pode cumprir coa cota de reserva?

Excepcionalmente e de forma transitoria, a Lei expón un mecanismo polo que as empresas que xustifiquen a imposibilidade de incorporar talento con discapacidade aos seus cadros de persoal, poidan solicitar un certificado de excepcionalidade para acollerse á aplicación dalgunha das  “medidas alternativas”.

Cales son ditas medidas alternativas?

Estas medidas contemplan aspectos como a doazón ou accións de patrocinio destinadas a entidades sen ánimo de lucro co fin para a formación ou a xeración de emprego para persoas con discapacidade ou a contratación dun centro especial de emprego ou unha persoa traballadora en réxime de autónoma con discapacidade, entre outras.

Ser unha empresa inclusiva, ademais dunha opción por contribuír positivamente coa sociedade e a súa diversidade, supón unha proposta de incremento na cadea de valor das organizacións.

Desde o Grupo Empresarial de COGAMI e como apoio ao cumprimento normativo, apostamos pola inclusión e igualdade de oportunidades a través dos servizos que ofrecemos ás empresas:

• Información e coñecemento sobre as persoas con discapacidade.

• Unha preselección de candidaturas formadas e motivadas para o emprego.

• Información e asesoramento para o cumprimento da Lei Xeral de Dereitos das Persoas con Discapacidade e da súa Inclusión Social se a túa empresa ten un cadro de persoal maior de 50 persoas.

• Información e asesoramento sobre bonificacións, incentivos á contratación e axudas para a adaptación de postos de traballo.

• 11 centros especiais de emprego cos que contratar produtos e servizos para apoiar a contratación de persoas con discapacidade e cumprir a Lei Xeral de Dereitos das persoas con Discapacidade e da súa Inclusión Social a que están obrigadas as empresas con máis de 50 persoas contratadas.

Se queres cumprir coa Lei Xeral de Dereitos das Persoas con Discapacidade e da súa Inclusión Social e necesitas asesoramento, contacta con Galega de Economía Social. Axudarémoste!