Ciberseguridade durante o coronavirus (COVID-19)

Como adaptar o teu espazo de traballo fronte ao COVID-19
19 Xuño 2020
Entrevista a… Alejandro Rouco, xerente de Grafinco
8 Agosto 2020

Cando menos o esperabamos, ao estrear unha década decisiva e prometedora, unha emerxencia sanitaria poñía en pausa as nosas vidas durante varios meses. Mesmo agora, ao volver sentir o movemento cotián, a normalidade adquire unha cor diferente: o das máscaras que cobren os nosos rostros.

Esta publicación forxouse en metade da batalla contra o COVID-19, esa mesma que nos mantivo confinados toda a primavera e que cambiou a nosa forma de ver e sentir o mundo.

Esta pandemia acelerou a transición cara a un mundo máis dixital que nos mostrou as bondades da tecnoloxía para manternos conectados ás nosas familias, ao traballo, ao mundo en xeral durante as semanas nas que apenas podiamos saír á rúa.

Neste contexto é probable incrementar a actividade online, ben realizando compras ou operacións por internet, ou recibindo un maior número de comunicacións a través de email.

Por este motivo, falamos con David Pesqueira, Director de Sistemas e Novas Tecnoloxías de COGAMI, que nos dá unhas recomendacións básicas de seguridade que nos gustaría que tiveses en conta.

Segue lendo!

 

Coida e protexe os teus datos de identificación persoal

Á hora de proporcionar información sensible nunha web (contrasinal, datos bancarios…) revisa que na barra do navegador apareza HTTPS ou un cadeado verde.

 

Utiliza sempre unha rede segura

Accede sempre que poidas dende o computador do teu fogar ou do teu traballo, ou sexa, desde unha rede na que poidas confiar e que só uses ti.

 

Non abras correos de remitentes descoñecidos

Comproba a dirección de correo e non descargues nin visites ningunha web que veña dende un correo sospeitoso.

 

Documentos e ligazóns

Presta moita atención e se moi suspicaz con documentos ou ligazóns antes de facer click neles. Ante a dúbida, é mellor borralos.

 

Protexe os teus dispositivos
  • Actualiza o teu navegador para que este incorpore as últimas melloras de seguridade. Para facelo, visita a web do teu navegador e descarga as últimas versións. É rápido e a túa experiencia da internet mellorará moito.
  • De cando en vez elimina o historial de navegación, as cookies e os ficheiros temporais.
  • Mantén o teu computador libre de virus usando un software antivirus.

 

Coidado cos bulos

Difunde con cabeza. Non compartas información sen contrastala. Asegúrate de que provén de medios e fontes fiables.

 

Ao terminar, pecha a túa sesión

Desactiva a opción de “lembrar contrasinais” e pecha a túa sesión ao saír desconectándote como usuaria/o.

Deixa unha resposta

O teu enderezo electrónico non se publicará Os campos obrigatorios están marcados con *

Suscribirse á newsletter

¿Queres ser o primeiro en coñecer as nosas novidades?

Acepto a política de privacidade