Quen somos

 

GALEGA DE ECONOMÍA SOCIAL

Galega de Economía Social, S.L. é a matriz dun grupo de empresas de economía social (Grupo GES) participado pola Confederación Galega de Persoas con Discapacidade (COGAMI) nun 86,14% e XesGalicia nun 13,86%. GES constitúese no ano 2003 co obxectivo de consolidarse como un grupo empresarial forte e competitivo. A súa vez forma parte de CEGASAL, asociación empresarial galega de Centros Especiais de Emprego sen ánimo de lucro.

 

OS NOSOS SERVIZOS

En Galega de Economía Social, S.L. prestamos servizos de asesoría e consultaría ao conxunto das empresas que forman o Grupo GES, fundadas na década dos anos noventa. Todas estas empresas están cualificadas como Centros Especiais de Emprego sen ánimo de lucro (CEEIS). Máis do 90% dos nosos traballadores e traballadoras son persoas con discapacidade e todos os beneficios obtidos pasan a reinvestirse na propia empresa, co obxectivo de seguir fomentando o seu crecemento e a creación de emprego para este colectivo.

Os nosos CEEIS operan en campos moi diversos, levando a cabo distintos proxectos nos sectores medioambiental, alimentación, artes gráficas, transporte, distribución ou reciclaxe.

O emprego é un dos elementos de maior eficacia na aposta pola inclusión social das persoas con discapacidade. Non só é unha fonte de ingresos, senón que constitúe unha condición estratéxica para a integración social, a calidade de vida e a autonomía deste grupo social que en Galicia supera as 227.000 persoas. O traballo proporciona ás persoas identidade social, independencia, seguridade económica, capacidade para transforma-la vida propia e, ademais, valores de autorrealización.

En Galega de Economía Social, S.L. ocupámonos de asesorar a todos os CEEIS do Grupo GES, mellorando a xestión de coñecemento, a xestión de persoas, a produtividade, competitividade e posicionamento comercial nos seus respectivos mercados, implantando auditorías internas de procesos, profesionalizando servizos e acadando a eficiencia na xestión e na formación dos seus equipos, para que día a día podamos continuar, todos xuntos, poñendo en práctica a nosa política de RSC.

Ademais colaboramos en proxectos de RSC con outras organizacións externas, como grandes empresas, PYMES, universidades e outras organizacións do terceiro sector, sempre cunha visión dual: por unha parte contribuír á mellora das condicións de vida das persoas con discapacidade e, por outra, incorporar melloras e coñecemento á nosa propia xestión.

MÁIS DO 90% DOS NOSOS
TRABALLADORES SON
PERSOAS CON DISCAPACIDADE

Suscribirse á newsletter

¿Queres ser o primeiro en coñecer as nosas novidades?

Acepto a política de privacidade