Compostela Street 2025: cando a economía social se fai visible na rúa

O pasado mes, o Campus Sur de Santiago converteuse nun espazo aberto á cultura urbana, ao deporte e á creatividade colectiva. Pero, entre trucos de skate, partidos de basket e arte en directo, tamén houbo lugar para algo máis profundo: o compromiso social e ambiental levado á práctica por tres iniciativas de COGAMI Empresarial.
Coregal, Dixardín e Grafinco participaron activamente no evento Compostela Street 2025, demostrando que a economía social pode, e debe, estar presente nos grandes espazos públicos.

Perp non viñeron só a “participar”: viñeron a deixar pegada.

Coregal: facer parte tamén é coidar

Coregal apostou por facer do reciclaxe unha acción compartida, unha responsabilidade de todas e todos. A través da campaña “Fai parte: síguenos o rollo”, convertéronse nun punto de apoio esencial para que o evento fora máis sostible.
Instaláronse puntos de recollida selectiva e lanzouse unha mensaxe clara: cada xesto conta. Con apoio do Fondo Social Europeo e CEPES, fixeron posible que a reciclaxe tamén se vivira como parte da festa.

Ver publicación de Coregal

Dixardín: un respiro verde no corazón da cidade

Dixardín levou ao evento o seu compromiso co verde. Apostaron por facer visible que, mesmo no medio do asfalto e do movemento urbano, hai espazo para a natureza, o coidado e o respecto polo contorna.
As súas accións lembraron que a sostibilidade non é unha moda, senón unha actitude que se pode incorporar en calquera escenario.

Ver publicación de Dixardín

Grafinco: cando o deseño tamén educa

Desde Grafinco puxeron o seu talento ao servizo dun reto claro: crear unha solución gráfica que comunicase, educase e funcionase ao mesmo tempo. Deseñaron e produciron colectores de cartón personalizados, que ademais de cumprir a súa función loxística, servían para reforzar a mensaxe do evento e a identidade do cliente.
Produción áxil, materiais sostibles e moito coidado polos detalles. Un proxecto que demostra que o deseño tamén pode ser unha ferramenta para transformar.

Moito máis ca servizos: persoas que transforman

Detrás de cada colector, de cada planta, de cada deseño, hai equipos diversos, comprometidos e con talento. Hai persoas que cren no que fan. Que demostran, evento tras evento, que é posible ofrecer solucións profesionais mantendo sempre os valores da inclusión, da accesibilidade e da sostibilidade.

A presenza de Coregal, Dixardín e Grafinco no Compostela Street 2025 foi unha mostra real do que significa a economía social en acción:

• Servizos de calidade con alma.
• Compromiso que se ve, se nota e deixa marca.
• Unha maneira diferente de facer empresa, poñendo as persoas e o ben común no centro.

COGAMI Empresarial: estar presentes, sumar valor, transformar

Para COGAMI Empresarial, participar en eventos como Compostela Street 2025 non é só unha oportunidade de visibilidade. É unha forma de amosar que outra maneira de facer empresa é posible, e que a economía social ten moito que dicir e achegar nos grandes escenarios da sociedade.

Seguiremos traballando para estar aí onde se constrúe futuro, xerando impacto desde a profesionalidade, a inclusión e o compromiso.